Мурат насиропниң акиси муратниң башқилар тәрипидин өлтүрүлгәнликини оттуриға қойди


2007-02-18
Share

19 - январ күни москвадики өйиниң балконидин өзини ташлап өлүвалди дәп елан қилинған русийиниң мәшһур уйғур нахша чолпини мурат насироп һәққидә йеңи учурлар давамлиқ тарқитилмақта. Мурат насиропниң аяли, достлири вә униң алумутида яшайдиған аилә - тавабатлири мәрһумниң өзини өлтүрүвалғанлиқини изчил түрдә инкар қилип кәлди. "Твой ден" (сениң күниң") намлиқ интернет гезитиниң хәвәр қилишичә, мурат насиропниң акиси ниҗат насироп инисиниң өзини өлтүрүвалған болмастин бәлки, намәлум бир күчләр тәрипидин өлтүрүлгәнликини оттуриға қойди.

Хәвәргә таянғанда, ниҗат насиропниң ейтишичә, русийә сақчи даирилириниң мурат насиропниң өлүми һәққидә чиқарған хуласә һөҗҗитидики "өлүмниң сәвәби" дегән қисими бош қалдурулған болуп, адәттә, тәләп бойичә һәр қандақ бир кишиниң өлүм сәвәби ениқ йезилиши керәк икән.

Ниҗат насироп, бу һөҗҗәттин вә муратни исламий қаидә бойичә дәпнә қилиш алдида юғанда билингән бәзи әһвалларға тайинип туруп, муратниң насиропниң қандақтур бәшинчи қәвәттин өзини йәргә етип өлүвалған болмастин бәлки, алдин тәйярланған пилан бойичә өлтүрүлүп, ташлап қоюлған болуши мумкинликини пәрәз қилидиғанлиқини әскәрткән.

Ниҗат насиропниң "сениң күниң" намлиқ гезиткә ейтишичә, униң иниси мурат насироп техи йеқиндила өзиниң сәнәт паалийәтлиригә игидарчилиқ қиливатқан сәнәт - сода ширкити билән түзүлгән келишимни бикар қилип, өз алдиға, мустәқил сәнәт тиҗарити вә паалийити билән шуғуллинишқа башлиған.

Бундақ болғанда, у өз нахша пиластинклирини өзи нәшир қилип сетиш, нахша кечиликини өзи уюштуруп, кирим қилиш қатарлиқ хусусий җәһәттики пайдилиқ имтиязларға еришиш мумкин икән.

Мурат насиропниң өлүми русийә сәнәт тарихидики сирлиқ паҗиәлик вәқәләрниң бири болғачқа, таки һазирғичә түрлүк қияслар оттуриға қоюлмақта.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт