Uyghur élide yene ikki muxbir dexli teruzge uchridi


2006-11-26
Share

Sina xewer torida élan qilin'ghan xewerge qarighanda shinjang téléwiziye istansisining ikki neper muxbiri 22 - noyabir küni, ürümchidiki nesillik kala férmisining muhit hem suni bulghighanliqi munasiwiti bilen mezkur orunni ziyaret qilish üchün barghanda, éghir dexli teruzgha uchrap yarilandurulghan hemde bir qanche sa'et solap qoyulghan.

Xewerde éytilishiche, muxbirlarning férmida süretke alghan sin'alghu léntisidin ispatlinishiche, kala férmisining partkom sékrétari lo shinjen shinjang téléwiziye istansisining ziyaretke kelgen lyu we shü famililik ikki muxbirini set gepler bilen haqaretligen hemde üstel üstidiki nersilerni ulargha qaritip atqan. Muxbirlar amalsiz qaytmaqchi bolup uning ishxanisidin chiqqanda yene férmidiki bir qanche er kishi teripidin qattiq urup yarilandurulghandin kéyin ikki sa'etche qamap qoyulghan.

Bu xil muxbirlarni xorlash weqesining Uyghur élide bir ay ichide ikkinchi qétim yüz bérishi hésablinidu. Ikki hepte ilgiri ürümchi istémalchilar gézitining ikki neper muxbiri michü'endin melum qatnash weqesi üstidin xewer igiliwatqanda oxshashla qattiq urup yarilandurulghan idi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet