Мәшһур композитор вә музикант харис ашироп вапат болди


2007-02-23
Share

Уйғур музика саһәсиниң тунҗи әвлат композитори вә мәшһур музикант харис ашироп, узун мәзгиллик кесәлликтин кейин пәйшәнбә күни үрүмчидә вапат болған. Уйғур аптоном районидики мәтбуатларниң хәвәрқилишичә, харис ашироп, 22 - феврал күни кәчтә кесәл сәвәби билән давалаш үнүм бәрмәй бу дунядин айрилған

У, йеңи дәвр уйғур музика иҗадийитиниң башламчилиридин бири болуп, нурғун нахша - усул, кино вә драмма музикилирини ишлигән, болупму у уйғур кино музикилирини ишләш җәһәттә зор төһпә қошқан иҗадийәтчиләрниң бири болуп һесаблиниду. У 1930 - йилларда туғулған кона үрүмчиликләрдин болуп, 1950 - йиллири хитай даирилири тәрипидин " пан түркисзмчи " дәп әйибләнгән вә 1952 -йили үрүмчидә етип ташланған мәшһур уйғур зиялийси қурбан қудай харис аширопниң қейни акиси иди.

Мәрһумниң иҗадийәт һаяти 1950 - йилларда шиән сәнәт иниститутида оқуватқан йиллирида башланған, униң " вәтәндә баһар " дегән музикилири хәлқ ичидә кәң тарқалған йирик әсәрлири болуп һесаблиниду. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт