Үрүмчидә балилар мәһсулатлириниң ٪ 40 и өлчәмсиз икән


2005.06.01

Хитайда 1 - июн балилар байрими дағдуғилиқ тәбриклиниватқан мәзгилдә, үрүмчи шәһиридики балилар мәһсулатлириниң٪ 40 иниң өлчәмгә тошмайдиғанлиқи мәлум болди.

Хитай хәвәр агентлиқиниң көрситишичә, үрүмчи шәһәрлик сүпәт тәкшүрүш идарисиниң йеқинда үрүмчидики йүздин ошуқ сода сарай вә топ сетиш орунлири үстидин елип барған тәкшүрүш нәтиҗисигә қариғанда, бу йәрләрдики балилар йемәклики, балилар кийим-кечәклири вә оюнчуқлириниң٪ 40 и өлчәмгә тошмиған.

Шундақла тәкшүрүш җәрянида йәнә, балилар йемәклики вә һәр хил ичимликләрниң тонуштурушида, чириштин сақлиниш маддиси, бояқ маддиси вә сахарин қатарлиқ маддиларниң тәркиви барлиқи әскәртилмәйдиғанлиқи байқалған.

Һәтта бәзи мәһсулатларда, ишләпчиқириш күни вә ишлитилиш вақтиниң чәклимиси қатарлиқларму йезилмайдикән. Униң үстигә балилар кийимлириниң қандақ мәһсулатлардин тикилгәнлики вә оюнчуқларниң диққәт қилишқа тегишлик ишлири әскәртилмигәчкә, бу әһваллар, истимал қилғучиларниң бихәтәрликигә зиян салмақта. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.