Ürümchide balilar mehsulatlirining ٪ 40 i ölchemsiz iken


2005.06.01

Xitayda 1 - iyun balilar bayrimi daghdughiliq tebrikliniwatqan mezgilde, ürümchi shehiridiki balilar mehsulatlirining٪ 40 ining ölchemge toshmaydighanliqi melum boldi.

Xitay xewer agéntliqining körsitishiche, ürümchi sheherlik süpet tekshürüsh idarisining yéqinda ürümchidiki yüzdin oshuq soda saray we top sétish orunliri üstidin élip barghan tekshürüsh netijisige qarighanda, bu yerlerdiki balilar yémekliki, balilar kiyim-kéchekliri we oyunchuqlirining٪ 40 i ölchemge toshmighan.

Shundaqla tekshürüsh jeryanida yene, balilar yémekliki we her xil ichimliklerning tonushturushida, chirishtin saqlinish maddisi, boyaq maddisi we saxarin qatarliq maddilarning terkiwi barliqi eskertilmeydighanliqi bayqalghan.

Hetta bezi mehsulatlarda, ishlepchiqirish küni we ishlitilish waqtining cheklimisi qatarliqlarmu yézilmaydiken. Uning üstige balilar kiyimlirining qandaq mehsulatlardin tikilgenliki we oyunchuqlarning diqqet qilishqa tégishlik ishliri eskertilmigechke, bu ehwallar, istimal qilghuchilarning bixeterlikige ziyan salmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.