Uyghurlar washin'gtondiki xitay elchixanisining aldida namayish qildi

• Bu heqtiki tepsili melumat
• Download story audio

Xitay hökümiti Uyghur aptonom rayoni qurulghanliqining 50 yilliqini dagh - dugha bilen tebrikleshke hazirliniwatqan bir chaghda, amérikidiki Uyghurlar xitayning washin'gtondiki elchixanisi aldida namayish ötküzüp, béyjing hökümitining siyasitige naraziliq bildürdi. Namayishni amérika Uyghur jem'iyiti uyushturghan.

Namayishqa ishtirak qilghuchilarning köpchiliki paytext washin'gton etrapidiki Uyghurlar bolup, Uyghur kishilik hoquqi we démokratiye herikitining rehbiri rabiye qadir xanimmu namayishqa qatnashti. Bu rabiye qadirning bu yil 3 - ayda amérika kelgendin béri 2 - qétim namayishqa qatnishishi bolup hésablinidu. Buningdin ilgiri u, bu ayning bashliri xitay dölet re'isi xu jintaw b d t bashliqlar yighinida söz qilghan küni, b d t ning nyu - yorktiki xizmet binasi aldida ötküzlgen namayishqa yitekchilik qilghan idi.

Namayish washin'gton waqti bilen jüme küni chüshtin kéyin sa'et 4:00 lerde bashlinip, sa'et 7:00 lergiche dawam qildi. Namayishchilar xitay da'irilirini Uyghur aptonom rayonidin chékinip chiqish, ölüm jazasini toxtitish we siyasi mehbuslarni qoyup bérishke chaqiridighan shu'arlar towlidi.