200 Ge yéqin xitay yallanma ishchi ürümchide namayish qildi


2006.04.26

200 Ge yéqin xitay yallanma ishchi yéqinda ürümchi shehiridiki melum bir méhmanxanining ularning ma'ashini waqtida bermigenlikige narazi bolup, kochigha chiqip qarshiliq bildürgen hemde dostluq yolini tosiwélip, qatnashni toxtitip qoyghan.

Tengritagh xewer torining melum qilishiche, bu weqe yüz bergendin kéyin, ürümchi sheherlik jama'et xewpsizlik idarisi we hökümetning tölem pulini bir terep qilish ishlirigha mes'ul ishxanisidiki xadimlar neq meydan'gha derhal kélip, ishchilargha hökümetning ularning mesilisini choqum yaxshi bir terep qilip béridighanliqini wede qilghandin kéyin, andin ishchilar yolni boshitishqa qoshulghan.

Bu ishchilar asasliqi gu'angdung we shenshidin kelgen bolup, ular ürümchidiki melum bir méhmanxanini qayta rémont qilip bézesh ishlirini qilghan. Ularning muxbirgha éytishiche, munasiwetlik orun ulargha 15‏- april küni bérimiz dep wede qilghan 3 ayliq ma'ashini 3 kün kéchiktürüp qoyghan. Shundaqla yene bu xizmetni höddige alghan otturidiki 2 kishi bir qisim pullarni ishchilarning qoligha yetküzmey özliri éliwalghan. Shu sewebtin bu ishchilar ish tashlap kochida namayish qilghan.

Ürümchi sheherlik hökümetning tölem pulini bir terep ishlirigha mes'ul ishxanisi, hazir ularning bu ehwali üstidin jiddiy tekshürüsh élip bériwatqanliqini hemde buni yaxshi bir terep qilishqa tirishidighanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.