Австралийдики шәрқий түркистан җәмийити намайиш өткүзди


2007.09.08
Share on WhatsApp
Share on WhatsApp

Асия тенч окян һәмкарлиқ тәшкилатиға әза дөләтләр башлиқлириниң али дәриҗилик учришиши австралийиниң сидней шәһиридә өткүзиливатқан пәйттә, австралийә шәрқий түркистан җәмийити шәнбә күни зор көләмлик наразлиқ намайиши елип барди.

Австралийә шәрқий түркистан җәмийити тәшвиқат бөлүминиң билдүрүшичә, мәзкүр җәмийәт бир айдин көпрәк җидди тәйярлиқ көрүп, өзлириниң хитай һөкүмитигә болған наразилиқини ипадиләш үчүн, 2 қетимлиқ намайиш орунлаштурған болуп, биринчи қетимлиқ намайиш 6 ‏- сентәбир күни хитай президенти ху җинтав сиднейға йетип кәлгән күнниң әтиси хайде бағчисида өткүзүлгән.

Иккинчи қетимлиқ намайиш 8 ‏- сентәбир күни сидней шәһәр мәркизидики викторийә бағчисида елип берилған.

Намайиш, австралийидики хәлқара кәчүрүм тәшкилати тәрипидин орунлаштурулған болуп, намайишқа шәрқий түркистан җәмийити, тибәт җәмийити, хитай демократлири,фалунгуң муритлири болуп 300 дин артуқ адәм қатнашқан.

Намайишта австралийә парламенти юқири палата әзаси, йешиллар вәкили керй неттел , канаданиң сабиқ парламент әзаси хитай демократийиси қоғдиғучси давид килгор , хәлқара кәчүрүм тәшкилатиниң австралийә шөбисиниң рәиси сопһе пеер әпәндиләр сөз қилған. Намайиш 4 саәткә қәдәр давамлашқан. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.