Uyghur déhqanlar namratliqtin téléwizormu sétiwalalmaydu


2005.09.13

Xitayning déngiz boyidiki köp qisim jaylarda puqralarning yilliq kirimi 20 - 30 ming yü'en'ge yetken bir chaghda, Uyghur aptonom rayonidiki déhqanlar namratliqtin téléwizor élishqimu qurbi yetmeydighan ehwalgha chüshüp qaldi. Bu ehwalda da'iriler qeshqer qatarliq jaylarda puqralargha heqsiz téléwézor tarqitish herikiti élip barghan.

Tengritagh tor béti bu heriketni "téléwizor arqiliq eqliy jehettin yölesh" dep atidi. Da'iriler düshenbe küni qeshqer xelq meydanida téléwizor tarqitish murasimi ötküzdi.

Tengritagh tor bétining tekitlishiche, qeshqer kona sheher we qeshqer yéngi sheher nahiyiliride Uyghurlar déhqanlarning téléwizor körelmeslik ehwaligha xatime bérilgen.

Murasimda aptonom rayon partkomining teshwiqat bölümi bashliqi li yining eskertishiche, Uyghur déhqanlirining hazirghiche téléwizor sétiwalalmasliqidiki sewebi ularning " qeshqer, aqsu qatarliq jaylardiki nisbeten békinme yéza igilik bostanliqlarda yashaydighanliqidin" iken.

Emma xitay hökümitining rayondiki siyasitini tenqid qilghuchilar, Uyghur déhqanlirini meqsetlik namrat qaldurup, ularning her xil ijtima'iy we siyasi teleplerni qoyushidin saqlinish, dep körsetmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.