Хәлқара йеза игилик тәрәққият фонди уйғур елидики хәлқаралиқ намрат наһийиләргә 55 милйон доллар ярдәм соммиси бәрди


2006.12.17

Хитай коммунистик партийә һөкүмитиниң уйғур елигә қойған секретари ваң лечуән, техи йеқинда уйғур елидә деһқанларниң намратлиқтин асасән қутулуп, йиллиқ оттурчә кирими икки миң йүәндин ашти дәп көрсәткән иди.

Әмма йеқинда хәлқаралиқ йеза игилик тәрәққият фонди мәхсус уйғур елиниң йезилиридики деһқанларни намратлиқтин қутулдуруш үчүн 55милйон доллар ианә қилған. Бу мәбләғ уйғур елида хәлқаралиқ намрат саналған җайлардин 4 област һәмдә 9 наһийә вә аптонум район бойичә намрат бир наһийидики782 миң деһқанниң намратлиқтин қутулуши үчүн берилидикән.

Мунасивәтлик хәвәрләргә қариғанда, уйғур елида әң намрат йеза кәнтләр асасән хотән тәвәсидә болуп 884 кәнт уйғур аптонум райониниң намратлиқтин қутулдуруш пилани ичигә киргүзүлгән болсиму әмма мәмликәтлик яки хәлқаралиқ намрат йеза кәнтләр сүпитидә көрситилмигән.

Уйғур елидики деһқанларниң радиомизниң һәқсиз телефонда инкас қилишичә қариғанда, уйғур елидә намрат йеза кәнтләрниң әмили сани елан қилинғандин көп болуп, йәрлик әмәлдарлар юқириға яхши көрүнүш мәқситидә йеза кәнтләрдики деһқанларниң иқтисади әһвалини ялған юқури санлиқ мәлуматлар билән йоллайдикән. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.