Xelq'ara yéza igilik tereqqiyat fondi Uyghur élidiki xelq'araliq namrat nahiyilerge 55 milyon dollar yardem sommisi berdi

Xitay kommunistik partiye hökümitining Uyghur élige qoyghan sékrétari wang léchu'en, téxi yéqinda Uyghur élide déhqanlarning namratliqtin asasen qutulup, yilliq otturche kirimi ikki ming yü'endin ashti dep körsetken idi.

Emma yéqinda xelq'araliq yéza igilik tereqqiyat fondi mexsus Uyghur élining yéziliridiki déhqanlarni namratliqtin qutuldurush üchün 55milyon dollar i'ane qilghan. Bu meblegh Uyghur élida xelq'araliq namrat sanalghan jaylardin 4 oblast hemde 9 nahiye we aptonum rayon boyiche namrat bir nahiyidiki782 ming déhqanning namratliqtin qutulushi üchün bérilidiken.

Munasiwetlik xewerlerge qarighanda, Uyghur élida eng namrat yéza kentler asasen xoten teweside bolup 884 kent Uyghur aptonum rayonining namratliqtin qutuldurush pilani ichige kirgüzülgen bolsimu emma memliketlik yaki xelq'araliq namrat yéza kentler süpitide körsitilmigen.

Uyghur élidiki déhqanlarning radi'omizning heqsiz téléfonda inkas qilishiche qarighanda, Uyghur élide namrat yéza kentlerning emili sani élan qilin'ghandin köp bolup, yerlik emeldarlar yuqirigha yaxshi körünüsh meqsitide yéza kentlerdiki déhqanlarning iqtisadi ehwalini yalghan yuquri sanliq melumatlar bilen yollaydiken. (Gülchéhre)