Уйғур елидики намратларниң 85% и җәнуби уйғур елидә

Шинҗаң гезитиниң 1 - априлдики хәвиридә, ваң лечуәннниң пиланлиқ туғут йиғинида қилған сөзини нәқил кәлтүрүшичә, уйғурлар топлишп олтурақлашқан қәшқәр, хотән һәмдә қизилсу областидики намрат деһқанлар, уйғур елидики намратларниң 85%ни игиләйдикән.

Хитайниң статистикилиқ мәлуматида көрситилишичә, 2006 - йили пүтүн уйғур елидики деһқанларниң киши бешиға тоғра келидиған йиллиқ оттурчә кирими 2742 болған болса, қәшқәр вилайитидики деһқанларниң 2072йүән, хотәнниң 1499йүән, атушниң болса 1486 йүән болған.

Қәшқәр, хотән һәмдә қизилсу аптонум области уйғурлар нопуси 90%тин көпрәкини игиләйдиған районлар болуп, әмәлийәттә бу җайдики деһқан чарвичиларниң киши бешиға тоғра келидиған йиллиқ оттурчә кирими хитай һөкүмити елан қилғандинму төвән.

Радиомизниң қәшқәр һәмдә хотән йезилиридики деһқанлардин игилигән мәлуматлиримизға асасланғанда намрат уйғур деһқанлириниң бәзилири кирим қилмақта йоқ һәтта йил ахири баҗ вә селиқлардин қутулалмай қәрзләргә боғулуп қалидикән.

Намрат деһқанларниң инкасиға қариғанда, хитай һөкүмитиниң деһқанларни һазирға қәдәр еғир һәмдә узақ мәзгил һашарға ишлитиши, баҗ вә селиқларни көпәйтиши һәмдә йәнә бир қатар наһәқ сиясәтлири деһқанларниң техиму намратлиққа қелишиға сәвәб болмақта.

Нөвәттә уйғур елиниң җәнубида язлиқ териқчилиқ башланған, деһқанлар таза алдираш мәзгили болсиму әмма қәшқәр һәмдә хотәндә деһқанларни мәҗбури һашаға тутуш йәнә башланған. (Гүлчеһрә)