Uyghur élidiki namratlarning 85% i jenubi Uyghur élide

Shinjang gézitining 1 - aprildiki xewiride, wang léchu'ennning pilanliq tughut yighinida qilghan sözini neqil keltürüshiche, Uyghurlar toplishp olturaqlashqan qeshqer, xoten hemde qizilsu oblastidiki namrat déhqanlar, Uyghur élidiki namratlarning 85%ni igileydiken.

Xitayning statistikiliq melumatida körsitilishiche, 2006 - yili pütün Uyghur élidiki déhqanlarning kishi béshigha toghra kélidighan yilliq otturche kirimi 2742 bolghan bolsa, qeshqer wilayitidiki déhqanlarning 2072yü'en, xotenning 1499yü'en, atushning bolsa 1486 yü'en bolghan.

Qeshqer, xoten hemde qizilsu aptonum oblasti Uyghurlar nopusi 90%tin köprekini igileydighan rayonlar bolup, emeliyette bu jaydiki déhqan charwichilarning kishi béshigha toghra kélidighan yilliq otturche kirimi xitay hökümiti élan qilghandinmu töwen.

Radi'omizning qeshqer hemde xoten yéziliridiki déhqanlardin igiligen melumatlirimizgha asaslan'ghanda namrat Uyghur déhqanlirining beziliri kirim qilmaqta yoq hetta yil axiri baj we séliqlardin qutulalmay qerzlerge boghulup qalidiken.

Namrat déhqanlarning inkasigha qarighanda, xitay hökümitining déhqanlarni hazirgha qeder éghir hemde uzaq mezgil hashargha ishlitishi, baj we séliqlarni köpeytishi hemde yene bir qatar naheq siyasetliri déhqanlarning téximu namratliqqa qélishigha seweb bolmaqta.

Nöwette Uyghur élining jenubida yazliq tériqchiliq bashlan'ghan, déhqanlar taza aldirash mezgili bolsimu emma qeshqer hemde xotende déhqanlarni mejburi hashagha tutush yene bashlan'ghan. (Gülchéhre)