Amérika dölet mejlisi rabiye qadir mesiliside wén jyabawgha xet yollidi


2005-05-23
Share

Kishilik hoquq we rabiye qadir mesilisige yéqindin köngül bölüp kéliwatqan amérika dölet mejlisi ezaliridin kristofér smis we tom lentos qatarliqlar jüme küni xitay bash ministiri wén jyabawgha kolliktip imzalan'ghan ochuq xet yollap, amérika hökümitining, rabiye qadirning a'ilisi we shirkitidiki xadimlarning xitay hökümiti teripidin aware qiliniwatqanliqigha ehmiyet béridighanliqini, shundaqla xitay hökümitining ularni shertsiz halda derhal qoyup bérishini telep qilidighanliqini yazghan.

Mezkur xette yene, xitay hökümitining rabiye qadirning ürümchidiki shirkitide ishleydighan xadimlarni tutup kétishining xitay qanunila emes, belki xelq'ara qanun'ghimu xilap heriket ikenliki yézilghan.

Xette yene, xitay saqchilirining eqide hessidarliq shirkitining dériktori, 7 ayliq bowaqning anisi ayshemgülni chéchidin yulup sörep élip ketkenliki eyiblinip, xitay hökümitining rabiye qadirning a'ile-tawabatliri we yéqinlirigha zerbe bérishining toghra bolmighanliqi körsitilgen.

Amérika dölet mejlisining wén jyabawgha yazghan bu xétide yene, xitay terepning rabiye qadirni bu yil 5 - ayda qoyup bérishi, xitay bilen amérikining kishilik hoquq di'alogigha paydiliq bolghan bolsimu, emma ularning rabiye qadir shirkitige tutqan pozitsiyisining, amérika terepning xitayning kishilik hoquqini yaxshiliyalishigha bolghan ümidini yerde qoyghanliqi körsitilgen.

Ochuq xette yene, eger xitay hökümiti kishilik hoquqqa dexli yetküzidighan mushundaq heriketlerni dawamliq qiliwerse, amérika dölet mejlisining, jenwediki b d t kishilik hoquq yighinida xitayni eyibleshke mejbur bolidighanliqi yézilghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet