ئۈرۈمچى بىلەن لەنجۇۋ ئارىسىدىكى خام نېفىت ئاققۇزۇش تۇرۇبىسىنى ياتقۇزۇش قۇرۇلۇشى باشلاندى


2004.08.27
Share on WhatsApp
Share on WhatsApp

ئۇيغۇر ئاپتونوم رايۇنىنىڭ مەركىزى ئۈرۈمچى بىلەن خىتاينىڭ لەنجۇۋ شەھرى ئوتتۇرىسىدىكى پىششىقلانغان ۋە خام نېفىت ئاققۇزۇش تۇرۇبىسىنى ياتقۇزۇش قۇرۇلۇشىدا رەسمى ئىش باشلاندى . گەنسۇلۇق ئەمەلدارلارنىڭ بىلدۈرىشىچە ، نېفىت تۇرۇبىسىنىڭ پىششىقلانغان نېفىت ئاققۇزۇش لىنىيەسى ئۈرۈمچىدىن لەنجۇۋغا تۇتاشتۇرىلىدۇ . بۇ لىنىيە يىلىغا 10 مىليون توننا پىششقلانغان نېفىت ئاققۇزۇش ئىقتىدارىغا ئىگە . پىچاندىن باشلىنىدىغان خام نېفىت ئاققۇزۇش لىنىيەنىڭ يىللىق نېفىت ئاقتۇرۇش ئىقتىدارى 20 مىليون توننا بولۇپ ، قۇرۇلۇشنى 2005 - يىلنىڭ ئاخىرلىرىغىچە پۈتتۈرىپ ، 2006 - يىلى رەسمى نېفىت ئاققۇزۇشنى پىلانغا كىرگۈزگەن . خەۋەرلەردە، 1550 كلومېتېر ئۇزۇنلىقتىكى نېفىت تۇرۇبا يولىغا 15 مىليارت يۋەن مەبلەغ سېلىنىدىغانلىقىنى ئىلگىرى سۈرمەكتە .

. شىنخۋا ئاخبارات ئاگېنتلىقىنىڭ بۇ ئارىدا خەۋەر قىلىشىچە ، خىتاينىڭ دۆلەتلىك نېفىت شىركىتى قارمىقىدىكى شىنجياڭ نېفىتلىك شىركىتى ، يېقىندا جۇڭغار ئويمانلىقىنىڭ ئوتتۇرا قىسمىدىن يۇقىرى مەھسۇلاتلىق نېفىت ۋە تەبىئى گاز زاپىسىنى بايقىغان . شىنجياڭ نېفىتلىك شىركىتىنىڭ باش مۇدىرى چېن شىنفا ، يېڭىدىن بايقالغان تەبىئى گاز ۋە نېفىت زاپىسى جۇڭغار ئويمانلىقىنىڭ مەركىزى ۋە شەرقىدىكى 4 ئورۇندا بايقالغانلىقىنى ، ئويمانلىقنىڭ جەنۇبىي قىسىمىدا يۇقىرى مەھسۇلاتلىق نېفىت ۋە تەبىئى گاز زاپىسىنىڭ بارلىقى ئىسپاتلانغانلىقىنى جاكالىغان . چېن شىنفا يۇقارقىي خەۋەرنى پەيشەنبە كۈنى » جۇڭغار ئويمانلىقىدىكى نېفىت ۋە تەبىئى گاز قېزىش ئىستىراتىگىيەسى « دىگەن تېمىدىكى بىر يىغىندا ئاشكارلىغان .خىتاي تەرەپنىڭ مەلۇماتىدا كۆرسىتىلىشىچە ، جۇڭغار ئويمانلىقى 8 مىليارت 600 مىليون توننا نېفىت زاپىسى ، 2 ترىليون 10 مىليارت كۇپ مېتىر تەبىئى گاز زاپىسىغا ئىگە . (ئەركىن)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.