Ürümchi bilen lenjuw arisidiki xam néfit aqquzush turubisini yatquzush qurulushi bashlandi

Uyghur aptonom rayunining merkizi ürümchi bilen xitayning lenjuw shehri otturisidiki pishshiqlan'ghan we xam néfit aqquzush turubisini yatquzush qurulushida resmi ish bashlandi . Gensuluq emeldarlarning bildürishiche , néfit turubisining pishshiqlan'ghan néfit aqquzush liniyesi ürümchidin lenjuwgha tutashturilidu . Bu liniye yiligha 10 milyon tonna pishshqlan'ghan néfit aqquzush iqtidarigha ige . Pichandin bashlinidighan xam néfit aqquzush liniyening yilliq néfit aqturush iqtidari 20 milyon tonna bolup , qurulushni 2005 - yilning axirlirighiche püttürip , 2006 - yili resmi néfit aqquzushni pilan'gha kirgüzgen . Xewerlerde, 1550 klométér uzunliqtiki néfit turuba yoligha 15 milyart ywen meblegh sélinidighanliqini ilgiri sürmekte .

. Shinxwa axbarat agéntliqining bu arida xewer qilishiche , xitayning döletlik néfit shirkiti qarmiqidiki shinjyang néfitlik shirkiti , yéqinda jungghar oymanliqining ottura qismidin yuqiri mehsulatliq néfit we tebi'i gaz zapisini bayqighan . Shinjyang néfitlik shirkitining bash mudiri chén shinfa , yéngidin bayqalghan tebi'i gaz we néfit zapisi jungghar oymanliqining merkizi we sherqidiki 4 orunda bayqalghanliqini , oymanliqning jenubiy qisimida yuqiri mehsulatliq néfit we tebi'i gaz zapisining barliqi ispatlan'ghanliqini jakalighan . Chén shinfa yuqarqiy xewerni peyshenbe küni ” jungghar oymanliqidiki néfit we tebi'i gaz qézish istiratigiyesi “ Digen témidiki bir yighinda ashkarlighan .Xitay terepning melumatida körsitilishiche , jungghar oymanliqi 8 milyart 600 milyon tonna néfit zapisi , 2 trilyon 10 milyart kup métir tebi'i gaz zapisigha ige . (Erkin)