Xitay Uyghur élidin xitayning ölkilirige baridighan néfit turuba qurulushini bashlidi

Xitay néfitliki Uyghur élidin bashlinidighan 1 milyard 760 milyon amérika dolliri qimmitidiki ikki chong néfit turuba qurulishini charshenbe küni resmiy bashlidi.

Amérika birleshme axbarat agéntliqining xewirige qarighanda, qurulush xitayning gheribtiki néfit we tebi'i gazni sherqiy rayonlargha yötkesh tereqqiyat stratigiyisining bir qismi hésablinidu.

Bu ikki néfit turubisining biri 1550 kilométir bolup, bu pichandin lenjugha tutashturilidiken. Shundaqla buningdin yiligha 20 milyon tonna néfit mangghuzilidiken. Yene bir bolsa 1840 kilométir uzunluqta bolup, ürümchidin lenjugha tutashturilidiken. Uningdin her yili 10 milyon tonna néfit mangghuzilidiken.

Xitay da'irilirining melumatigha qarighanda, Uyghur élining néfit zapas miqdari 20 milyard 9 yüz milyon tonnigha, tebi'i gaz zapas miqdari bolsa 383 tirlyon 120 milyard kup métirgha yétidighanliqi mölcherlen'gen. (Peride)