Хитай - қазақ нефит туруба қурулуши пат арида иш башлайду


2004-09-17
Share

Хитайдики қазақистан дипломатик әмәлдарлириниң җүмә күни ашкарлишичә , қазақистан билән уйғур аптоном райони оттурисида қурулидиған нефит турубиси 9 - ай ичидә иш башлайду . Қурулушниң 2005 - йилниң ахирлири пүтидиғанлиқи пәрәз қилинмақта .

Қазақистанниң хитайда турушлуқ баш әлчиси җүмә күни мухбирларни күтүвелиш йиғини өткүзүп , нефит турубиси пүткәндин кейин қазақистанниң хитайға йилда 10 милйон тонна нефит експорт қилидиғанлиқини билдүрди. Қазақистан баш әлчиси қалибузаноф, туруба йолиниң бихәтәрлик мәсилиси үстидә тохтилип, ишинимәнки биз туруба йолини террорчиларниң һуҗумидин қоғдаш иқтидариға игимиз дәп көрсәтти. Бирақ у , қазақистан билән хитай арисидики уйғур аптоном районидин өтидиған нефит турубисиға бузғунчилиқ қилиш нийитидики террорчиларниң кимләр икәнликини тилға алмиған .

Қазақистанниң атасу районидин уйғур аптоном райониниң алатав еғизиғичә тутишидиған туруба йолиниң омумий узунлуқи 1000 к м ға йетип қопиду. Хитай һөкүмити мәзкур туруба йолини уйғур аптоном районидин хитайниң ичкири өлкилиригә туташтурулидиған туруба йоллири билән бирләштүрүшни пиланлимақта . Хитайниң сибирийәдики ангарискийдин дачиңғичә нефит турубиси ятқузуш пилани росийә тәрипидин оңушсизлиққа учриғандин кейин , қазақистан билән һәмкарлиқ йолиға маңған иди . Икки тәрәп атасу билән алатав оттурисиға нефит турубиси ятқузуш келишимини өткән йили имзалиған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт