Xitay - qazaq néfit turuba qurulushi pat arida ish bashlaydu


2004-09-17
Share

Xitaydiki qazaqistan diplomatik emeldarlirining jüme küni ashkarlishiche , qazaqistan bilen Uyghur aptonom rayoni otturisida qurulidighan néfit turubisi 9 - ay ichide ish bashlaydu . Qurulushning 2005 - yilning axirliri pütidighanliqi perez qilinmaqta .

Qazaqistanning xitayda turushluq bash elchisi jüme küni muxbirlarni kütüwélish yighini ötküzüp , néfit turubisi pütkendin kéyin qazaqistanning xitaygha yilda 10 milyon tonna néfit éksport qilidighanliqini bildürdi. Qazaqistan bash elchisi qalibuzanof, turuba yolining bixeterlik mesilisi üstide toxtilip, ishinimenki biz turuba yolini térrorchilarning hujumidin qoghdash iqtidarigha igimiz dep körsetti. Biraq u , qazaqistan bilen xitay arisidiki Uyghur aptonom rayonidin ötidighan néfit turubisigha buzghunchiliq qilish niyitidiki térrorchilarning kimler ikenlikini tilgha almighan .

Qazaqistanning atasu rayonidin Uyghur aptonom rayonining alataw éghizighiche tutishidighan turuba yolining omumiy uzunluqi 1000 k m gha yétip qopidu. Xitay hökümiti mezkur turuba yolini Uyghur aptonom rayonidin xitayning ichkiri ölkilirige tutashturulidighan turuba yolliri bilen birleshtürüshni pilanlimaqta . Xitayning sibiriyediki an'gariskiydin dachingghiche néfit turubisi yatquzush pilani rosiye teripidin ongushsizliqqa uchrighandin kéyin , qazaqistan bilen hemkarliq yoligha mangghan idi . Ikki terep atasu bilen alataw otturisigha néfit turubisi yatquzush kélishimini ötken yili imzalighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.