Atasu- alataw néfit turuba qurulushida pat arida ish bashlinidu


2004.09.26
Share on WhatsApp
Share on WhatsApp

Uyghur aptonom rayonining alataw éghizidin qazaqistanning ottura qismidiki ata sughiche tutushidighan ata su - alataw néfit turuba qurulushida 28 - séntebir küni ish bashlinidu. Uyghur aptonom rayoni partkomining sékritari wang léchü'en, mezkur qurulushning her ikki dölet üchün stratégiyilik ehmiyiti zorliqini tekitligen.

U bu sözni qazaqistan prizdénti nur sultan nazarbayéf bilen ghuljida uchrashqanda sözligen . Prizdént nazarbayéf 24 we 25 - séntebir künliri Uyghur aptonom rayunini ziyaret qilghan. Qazaqistan tashqi ishlar ministiri qasim jümert toqayéf ilgiri xitay qazaqistan bilen énirégiye hemkarliqi élip bérish yolida tragédiyilik qarar chiqardi dep körsetkenti. Ata su - alataw néfit turubisining omumi uzunluqi 1000 k m gha baridu. Qurulushning 700 milyon dollar meblegh sélinidighan birinchi basquchi 2005 -yilning axirlirida pütidu .

Mezkur turuba yolidin xitaygha yilda 10 milyon tonna néfit éqitalaydu. Qurulushning 2 - basquchi 2011 - yili tamamlinidu. Turuba yolining 2 - basquchtiki qurulushi tamamlan'ghanda yiligha 20 milyon tonna néfit éqitalaydighan bolidu.Mezkur qurulushqa xitay dölet igilikidiki néfit tebi'iy gaz shirketler guruhi bilen qazaqistan munay gaz shirkiti meblegh salghan . Xitay da'iriliri chet eldiki Uyghur teshkilatlarning qarshi turshigha uchrighan mezkur turuba yolini xitayning ichkiri ölkilirige baridighan néfit turuba tori bilen tutashturushni oylaydu . Chet'eldiki Uyghur teshkilatlar, xitay köchmenlirining téximu köpiyishige xizmet imkaniyiti yaritidighan bu qurulushning tebi'iy muhitni bulghaydighanliqini ilgiri sürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.