Xitay 2004 - yili Uyghur ilida tarixtiki eng köp néfit qéziwaldi


2005.01.03
Share on WhatsApp
Share on WhatsApp

Uyghur aptonom rayonidiki xitay néfit shirketliri, 2004 - yili aptonom rayon boyiche 22 milyon 600 ming tonna néfit qéziwalghan. Xitay hökümitining zuwani shinxu'a axbarat agéntliqi, bu bir yil xitay shirketlirining Uyghur ilida tarixtiki eng köp néfit qéziwalghan bir yil bolghanliqini ilgiri sürdi. Shinxu'a agéntliqining ashkarilishiche, tarim we qumul - turpan oymanliqidiki xitay néfit shirketlirining bu bir yil ichide satqan xam néfiti, 40 milyard 500 milyon yüen bolup, 19 milyard 500 milyon yüen sap kirim qilghan. Hazir dölet igidarchiliqidiki xitay néfit shirkiti, tarim néfit shirkiti, qumul - turpan néfit shirkiti shundaqla xitay néfit - ximiye shirkiti qatarliq shirketler néfit qézish sür'iti we kölimini kéngeytmekte.

Shinxu'a axbarat agéntliqining ashkarilishiche, 1990 - yildin 2004 - yilghiche, Uyghur ilida néfit qézish miqtari yiligha 111 tonnidin éship barghan. Shinxu'a axbarat agéntliqi, aptonom rayon boyiche 2004 - yili qéziwélin'ghan 22 milyon 600 ming tonna xam néfit, shu bir yil ichide xitay qéziwélin'ghan omumi néfit miqtarining 13 ٪ ni igilleydighanliqini bildürdi. Biraq mutexesisler emiliy sanning buningdin köp yuqiriliqini ilgiri sürmekte.

Xitayning tüzümi boyiche Uyghur ilidiki teb'iy bayliqlargha Uyghurlar igidarchiliq qilalmaydu. Közetküchiler, bu ehwal Uyghurlarning namratliship kétishige yol échiwatqanliqini bildürmekte. Xitay menbe'elirining ashkarilishiche, tengri téghining jenubidiki Uyghur dihqanlarning yilliq kirimi 1000 yüen'ge yetmeydiken.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.