خىتايدىكى ئەڭ چوڭ نېفىت پىششىقلاپ ئىشلەش قۇرۇلۇشى، ئۇيغۇر ئېلىدە قۇرۇلۇش باشلىدى


2005.02.08
Share on WhatsApp
Share on WhatsApp

چەتئەللەردە پائالىيەت ئېلىپ بېرىۋاتقان ئۇيغۇر تەشكىلاتلىرى، يەرلىك ئۇيغۇرلارنىڭ ئۇيغۇر ئېلى بايلىقلىرىدىن مەنپەئەتلىنەلمەيۋاتقانلىقىنى تەكىتلەۋاتقان بىر پەيتتە، مايتاغ شەھىرىدە خىتاينىڭ ئەڭ چوڭ نېفىت پىششىقلاپ ئىشلەش قۇرۇلۇشى ئېلىپ بېرىلىدىغانلىقى ئېلان قىلىندى.

خىتاي خەۋەر ئاگېنتلىقىنىڭ 8 - فېۋرال كۈنىدىكى خەۋىرىدە كۆرسىتىلىشىچە، نېفىت پىششىقلاپ ئىشلەش قۇرۇلۇشى ئۈچۈن 27 مىليارد يۈەندىن كۆپرەك مەبلەغ سېلىنغان بولۇپ، پىلان بويىچە مەزكۇر قۇرۇلۇش 2008 - يىلى رەسمىي پۈتۈپ، ئىشلەپچىقىرىش ئېلىپ بارىدىكەن.

خىتاينىڭ غەربتىكى ئەڭ چوڭ تىپتىكى نېفىت - خىمىيە ئىشلەپچىقىرىش بازىسى ھېسابلىنىدىغان، مايتاغ نېفىت پىششىقلاپ ئىشلەپچىقىرىش قۇرۇلۇشى پۈتكەندىن كېيىن، نېفىت ئىشلەپچىقىرىش ئومۇمىي مەبلىغى 34 مىليارد يۈەنگە، يىللىق سېتىش قىممىتى 26 مىليارد يۈەنگە يېتىدىكەن. (ئەقىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.