Хитайдики әң чоң нефит пишшиқлап ишләш қурулуши, уйғур елидә қурулуш башлиди

• 
  2005-02-08

Чәтәлләрдә паалийәт елип бериватқан уйғур тәшкилатлири, йәрлик уйғурларниң уйғур ели байлиқлиридин мәнпәәтлинәлмәйватқанлиқини тәкитләватқан бир пәйттә, майтағ шәһиридә хитайниң әң чоң нефит пишшиқлап ишләш қурулуши елип берилидиғанлиқи елан қилинди.

Хитай хәвәр агентлиқиниң 8 - феврал күнидики хәвиридә көрситилишичә, нефит пишшиқлап ишләш қурулуши үчүн 27 милярд йүәндин көпрәк мәбләғ селинған болуп, пилан бойичә мәзкур қурулуш 2008 - йили рәсмий пүтүп, ишләпчиқириш елип баридикән.

Хитайниң ғәрбтики әң чоң типтики нефит - химийә ишләпчиқириш базиси һесаблинидиған, майтағ нефит пишшиқлап ишләпчиқириш қурулуши пүткәндин кейин, нефит ишләпчиқириш омумий мәблиғи 34 милярд йүәнгә, йиллиқ сетиш қиммити 26 милярд йүәнгә йетидикән. (Әқидә)