Хитайлар уйғур аптоном районидики нефит әслиһәлиригә мәбләғ салиду


2005.02.15
Share on WhatsApp
Share on WhatsApp

Дөләт игиликидики хитай нефит ширкити, кәлгүси бир қанчә йил ичидә уйғур аптоном районидики нефит пишшиқлаш шундақла нефит - химийә санаитигә 27 милярд йүән мәбләғ салиду. Бу хитайниң нефит енергийә мәнбәсини көп хиллаштуруш пиланиниң бир қисими болуп, хитай нефит ширкити бу мәбләғни майтағдики нефит әслиһәлириниң иқтидарини яхшилаш үчүн ишлитидикән.

Майтағдики нефит әслиһәлириниң һазирқи йиллиқ нефит пишшиқлаш иқтидари 6 милйон тонна болуп, 2008 - йилғичә 10 милйон тонниға чиқиришни пиланлиған. Майтағдики етилин завутиниң һазирқи йиллиқ ишләпчиқириш мәһсулати 220 тонна. "Җәнубий җоңго әтигәнлик почта гезити" ниң хәвәр қилишичә, хитай нефит ширкитидики даириләр, етилин завутиниң мәһсулат миқдарини бир милйон 220 миң тонниға йәткүзидиғанлиқини билдүргән.

"Хитай нефит гезити" майтайдики нефит қурулушини кеңәйтиш пилани " дөләтниң енергийә мәнбәсини көп хиллаштуруш истратегийисиниң бир қисими," дәп көрсәтти. Майтағдики нефит әслиһәригә мәбләғ селиш пилани, қазақистандин уйғур аптоном райониғичә болған 1200 к м узунлуқтики нефит турубисини өз ичигә алған. Бу туруба билән йилда қазақистандин келидиған 10 милйон тонна нефитни тошуйду. Хитайлар 2011 - йилғичә нефит турубисиниң йиллиқ нефит тошуш иқтидарини 20 милйон тониға чиқиридикән. Қазақистан билән майтағ оттурисидики нефит туруба қурулушида 2004 - йили 8 - айда иш башланған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт