Xitaylar Uyghur aptonom rayonidiki néfit eslihelirige meblegh salidu

Dölet igilikidiki xitay néfit shirkiti, kelgüsi bir qanche yil ichide Uyghur aptonom rayonidiki néfit pishshiqlash shundaqla néfit - ximiye sana'itige 27 milyard yü'en meblegh salidu. Bu xitayning néfit énérgiye menbesini köp xillashturush pilanining bir qisimi bolup, xitay néfit shirkiti bu mebleghni maytaghdiki néfit eslihelirining iqtidarini yaxshilash üchün ishlitidiken.

Maytaghdiki néfit eslihelirining hazirqi yilliq néfit pishshiqlash iqtidari 6 milyon tonna bolup, 2008 - yilghiche 10 milyon tonnigha chiqirishni pilanlighan. Maytaghdiki étilin zawutining hazirqi yilliq ishlepchiqirish mehsulati 220 tonna. "Jenubiy jonggo etigenlik pochta géziti" ning xewer qilishiche, xitay néfit shirkitidiki da'iriler, étilin zawutining mehsulat miqdarini bir milyon 220 ming tonnigha yetküzidighanliqini bildürgen.

"Xitay néfit géziti" maytaydiki néfit qurulushini kéngeytish pilani " döletning énérgiye menbesini köp xillashturush istratégiyisining bir qisimi," dep körsetti. Maytaghdiki néfit esliherige meblegh sélish pilani, qazaqistandin Uyghur aptonom rayonighiche bolghan 1200 k m uzunluqtiki néfit turubisini öz ichige alghan. Bu turuba bilen yilda qazaqistandin kélidighan 10 milyon tonna néfitni toshuydu. Xitaylar 2011 - yilghiche néfit turubisining yilliq néfit toshush iqtidarini 20 milyon tonigha chiqiridiken. Qazaqistan bilen maytagh otturisidiki néfit turuba qurulushida 2004 - yili 8 - ayda ish bashlan'ghan. (Erkin)