Tarim néfitliki, néfit qidirish ishlirigha 3 milyard yu'en meblegh saldi


2005.02.16
Share on WhatsApp
Share on WhatsApp

Xitayning Uyghur élidiki tarim néfitliki bu yil 3 milyard yu'en meblegh ajritip, uni néfit qidirish ishlirini tézlitish we gherbtiki gazni sherqqe yötkesh gaz turubisining bixeterlikige kapaletlik qilish ishlirigha ishlitidiken.

Xitay xewer torining melumatigha asaslan'ghanda, tarim néfitlikining bu yilliq asasiy nishani, tewekkül qidirish ishlirini kücheytish we pütün küch bilen stratigiyilik ehmiyetke ige chong bayqash we bösüshlerni qolgha keltürüsh iken.

Tarim néfitliki bu yil ichide yene, bu yerge qarashliq "qara ikkinchi" dep atalghan teb'iy gaz rayonini xitay boyiche birinchi we dunyada aldinqi orunda turidighan ilghar tebiy gaz rayoni qilishqa tirishidiken.

Xitay dunyada amérikidin qalsa ikkinchi köp énérgiye serp qilidighan chong dölet bolup, nöwette xitaydiki 2/3 qisim ölkilerde yenila éléktir yétishmigenliktin, xitay téximu köp énérgiyige éhtiyajliq bolmaqta.

Xitay dölet ichide bolupmu Uyghur élide néfit we tebi'iy gaz qidirish we uni xitayning ichkiri ölkilirige yötkesh ishlirigha alahide ehmiyet bérishtin sirt, chet'ellerdiki néfit bayliqighimu nezer tashlap, hazirghiche 20 nechche dölet bilen 48 türlük meblegh sélish hemkarliq kélishimini tüzgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.