Xitay néfit- ximiye shirkiti, Uyghur ilida néfit sana'itige yene meblegh salidu


2005.03.04
Share on WhatsApp
Share on WhatsApp

Xitayning dölet igilikidiki jonggo néfit - ximiye shirkiti, Uyghur aptonom rayonining tarim oymanliqida yéngi néfit quduqlirini échish üchün 5 .5 Milyard yü'en meblegh sélishni qarar qilghan. Biraq xitay néfit - ximiye shirkitidiki da'iriler bu heqtiki xewerlerge baha bérishtin özini qachurmaqta.

Xitay metbu'atliri ötken yili xitay néfit - ximiye shirkitining tarim oymanliqidiki néfitliklerdin hejimi birt milyard 200 milyon waril kélidighan zapas néfit qatlimi bayqighanliqini xewer qilghan idi. "Wén wéy ‘gézitining xewer qilishiche, ötken yili tépilghan mezkur néfitlikte bir milyard 80 milyon tonna xam néfit shundaqla 59 milyard küp métir tebi'iy gaz zapisining barliqi ispatlan'ghan.

Xitay metbu'atliri yéqinda xitay néfit shirketlirining maytaghdiki néfit eslihelirini kéngeytishke meblegh salidighanliqini xewer qilghan idi. Hazir dölet igilikidiki jonggo néfit shirkiti, jonggo néfit - ximiye shirkiti, jonggo ximiye sana'iti shirkiti shundaqla jonggo déngiz néfit shirkiti qatarliq karxanilar, Uyghur aptonom rayonida néfit qézish meshghulati élip bériwatidu.

Xitay hökümiti Uyghur aptonom rayonidiki néfitliklerni échish, yerliklerning iqtisadi tereqqiyatini ilgiri sürüshtiki muhim purset, dep qarimaqta. Biraq bu qarashni tenqid qilghuchilar, yerliklerge menpe'et yetküzüsh uyaqta tursun, eksiche ékélogiyilik muhitning bun'ghunchiliqqa uchrishi qatarliqlar bir qatar mesililer yaritiwatqanliqini ilgiri sürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.