Xitay Uyghur ilini, xitayning eng chong néfit we tebi'iy gaz bilen teminlesh rayonigha aylandurmaqchi

Xitayning mu'awin bash ministiri jing piyen, xitay hökümitining Uyghur ilidiki néfit we gaz menbeliri téximu köp ichip, bu rayonni xitayning eng chong néfit we teb'iy gaz bazisigha aylanduridighanliqini bildürdi.

Shinxu'a agéntliqining xewer qilishiche, jing yiqinda Uyghur iligha qaratqan ziyariti jeryanida bergen bayanatida, Uyghur ilidiki néfit we teby gaz ishlepchiqirish sana'itining ötken besh yil ichide rayonda arqa- arqidin bayqalghan keng kölemlik néfit zapasliri netijisde, nahayiti téz tereqqiy qilghanliqini tekitlep, emdi döletning iqtisadiy tereqqiyatini téximu tizleshtürüsh üchün, rayonning néfit we tebi'iy gazidin toluq paydinlinsh waqti keldi, dédi.

Xitay mu'awin bash ministiri jing, xitay hökümitining tarim, jungghar we turpan-qumul wadilirida yéngi néfit we tebi'iy gaz qidirish üchün pa'aliyitini tizlitidighanliqini we kélerki 5, 10 yil ichide Uyghur élining xitayning eng chong néfit we tebi'iy gaz ishlepchiqirish rayonigha aylinidighanliqini bildürdi. Uning éytishiche, néfit we tebi'iy gaz sana'itining terreqqiyatigha egiship, rayonda, néfit we tebi'iy gaz turuba yolliri, tömür yoli we tiz sür'etlik tashyol qurulush ishliri ewj alidiken. (Qanat)