Tarim néfitliki kündilik gaz miqdarini 33 milyon kupmétirgha yetküzmekchi


2005-07-28
Share

Xitay merkiziy agéntliqining xewirige qarighanda, xitay néfit shirkitining tarim néfitliki shirkiti bu yil axirigha qeder kündilik tebi'iy gaz ishlepchiqirish miqdarini 33 milyon kupmétirgha yetküzidighanliqini mölcherligen.

Shinxu'a toridin neqil keltürgen mezkur xewerde éytilishiche, bultur 1 - séntebirde gherbning gazini sherqqe yötkesh qurulushi ishqa kirishtürülgendin buyan, bu, xitayning énérgiye kélish menbelirini yaxshilash qurulmisidiki muhim bir tarmaqqa aylinip qaldi.

Bu yil tarim néfitliki 6 milyard kupmétir gaz aqquzushni pilanlighan bolup, hazir kündilik aqquzush miqdari 19 milyon kupmétirgha yetken. Bu san yil axirigha barghanda 33 milyon kupmétirgha yetküzülidiken.

Tarim néfitlikining hazirghiche éniqlap chiqqan tebi'iy gazining omumiy zapisi 664 milyard kupmétirgha yetken bolup, yiligha 30 milyard kupmétirdin aqquzghanda, mezkur néfitlik Uyghur élidin xitayning shangxey rayonigha 20 nechche yilghiche bu gazni aqquzup tügitidiken.

Chet'ellerdiki Uyghur mesilisi mutexessisliri, xitay hökümiti, Uyghur élidiki néfit we tebi'iy gaz bayliqlirini yoqiri téxnika bilen tiz we köp miqdarda yötkep kétiwatqan bolsimu emma, yerlik xelqning turmushida köp yüksilish bolmighanliqini, keng yézilardiki yerlik xelqlerning téxiche jin chiraq yéqip, otun qalap tamaq étiwatqanliqini bildürmekte. (Iltebir)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet