Sanji oblastida qanunsiz néfit qézish ehwali bayqaldi

2005-09-22
Élxet
Pikir
Share
Print

Yéqinda Uyghur élining sanji tunggan aptonom oblastida, ichkiridin kelgen xitaylarning qanunsiz néfit qézish ehwalliri bayqaldi.

Uyghur aptonom rayonluq radi'o istansisining xewirige qarighanda, ilgirimu bu rayonda köp qétim qanunsiz néfit qézish ehwali körülgenliktin, aptonom rayonluq partkom da'imiy komitétining ezasi, aptonom rayonning mu'awin re'isi erkin imirbaqi seyshenbe küni, sanji oblastining fukang we jimsar nahiyisidiki qanunsiz néfit qézish nuqtilirini tuyuqsiz tekshürgen.

Erkin imirbaqi tekshürüsh jeryanida yene, sanji tunggan aptonom oblasti chégrisi ichidiki qanunsiz qézilghan 31 néfit ornini derhal éniqlap bir terep qilishini telep qilghan.

U bu qétimliq tuyuqsiz tekshürüshtin kéyin échilghan neq meydan yighinida, munasiwetlik orunlarning, néfit oghurlash we qanunsiz néfit qézish qatarliq qanun'gha xilap jinayi qilmishlargha qet'iy zerbe bérish kéreklikini tekitlesh bilen birge, jaylarning sodiger chaqirip meblegh kirgüzüshini bahane qilip, néfit qézish salahiyiti hazirlimighan, néfit oghrilaydighan we qanunsiz qazidighan ichki ölkilerdin kélidighan "partizan shekildiki néfit qazidighan etretler" ning aptonom rayon'gha kirishige hergiz yol qoymasliq lazimliqini bildürdi. (Peride)

Pikirler (0)
Share
Toluq bet