Хитай кучарни әң чоң нефит-химийә санаәт мәһсулатлирини тошуш базиси қилмақчи

Уйғур райони хәвәр ториниң учуридин мәлум болушичә, хитай даирилири кучарни пүтүн уйғур дияри бойичә әң чоң нефит-химийә санаәт мәһсулатлирини тошуш базиси қилип қуруп чиқмақчи икән.

Хәвәрдә көрситилишичә, хитай даирилири йеқиндин буян тарим ойманлиқидин нефит вә тәбиий газ қезишни җиддийләштүргән болсиму, әмма нефит мәһсулатлирини ичкиригә тошуш җәһәттә қийинчилиққа дуч кәлгән йәни бу мәһсулатларни һазирқи мәвҗут төмүр йол билән тошуш еһтияҗни қандурулмиған. Мана мушундақ әһвал астида үрүмчи төмүр йол идариси шинҗаң хуатең нефит мәһсулатлирини тошуш ширкити билән бирлишип, 40 милйон йүәндин артуқ мәбләғ селип, көлими 75 мо келидиған мәзкур нефит –химийә мәһсулатлирини йиғип тошуш базиси қурушни қарар қилған.

Хитай ахбарат вастилириниң учурлиридин ашкарилинишичә, бу база хитайниң тарим вадисидин һәр күни қезиватқан нефитлирини ичкиригә йөткәшни тезлитиш һәм йөткәш миқдарини ашурушта үнүмлүк рол ойнайдиған. Һазир, уйғур диярида хитайниң төт чоң нефит-химийә санаәт базиси иш елип бармақта. Хитай һөкүмити өзиниң нефит вә тәбиий газ қийинчилиқини һәл қилиш үчүн бир тәрәптин оттура асия билән болған нефит мунасивитини күчәйтсә, йәнә бир тәрәптин уйғур елида нефит вә тәбиий газ қезиш сүритини тизләтмәктә. (Үмидвар)