Уйғур аптоном райониниң нефит ениргийә санаити сәндуңлуқ содигәрләрниң иштиһасини ачти


2006.02.02
Share on WhatsApp
Share on WhatsApp

Хитай бойичә уйғур аптоном райониға мәбләғ салған хусуси карханилар ичидә сәндуң, гуаңдуң вә җеҗяңлиқ хитай содигәрләрниң мәблиғи әң зор салмақни игиләйдикән. Хитай мәтбуатлириниң хәвәр қилишичә, сәндуң, гуаңдуң вә җеҗяңлиқ содигәрләрниң уйғур аптоном районида нефит, көмүрчилик, електир ениргийиси вә тоқумичилиқ санаитини асас қилип салған омуми мәблиғи24 милярд йүәнгә йәткән болуп, буниң ичидә сәндуңлуқ содигәрләрниң мәблиғи 10 милярд йүәнни тәшкил қилған.

Көзәткүчиләрниң тәкитлишичә, сәндуңлуқ содигәрләрниң районға көпләп мәбләғ селишида аптоном районниң партком секритари ваң лечүәнниң сәндуңлуқлар билән болған юртдашлиқ мунасивити муһим рол ойниған болуши мүмкин. Шинхуа ахбарат агентлиқиниң хәвиригә қариғанда сәндуңлуқ содигәрләрниң көпчилики нефит вә миһманхана кәспигә мәбләғ селишни асас қилған.

Үрүмчидики шинҗаң сәндуңлуқ карханичилар җәмийитиниң мудири ли гуйшинниң ашкарилишичә, нөвәттә уйғур аптоном райониға мәбләғ салған сәндуң карханилириниң сани 700 дин ашидикән. Җеҗяңлиқлар болса районниң ташқий сода вә туқумичилиқ карханилирини контрол қиливалған.

Мәркизи ахбарат агентлиқиниң илгири сүрүшичә, җеҗяңлиқ содигәрләрниң райондики мәблиғи 8 милярд йүән әтрапида болуп, районда бу кәсп бойичә сода қиливатқан яки завут ачқан җеҗяңлиқлар 150 миңдин ашиду. Гуаңдуңлуқлар болса асаслиқи кийим кечәк, електир сайманлири вә қурулуш материяллири содиси билән шуғулланмақта. Уларниң райондики мәблиғи 6 милярд йүән әтрапида, дәп елан қилинди. Әмма буниңға қаримай районда йәрлик хәлқләр ичидики ишсизлиқ давамлиқ еғирлашмақта икән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.