Уйғур елидики 2 нефитлик 2005‏- йиллиқ йәр шари бойичә әң чоң байқаш болуп баһаланди


2006.03.29
Share on WhatsApp
Share on WhatsApp

Йеқинда, уйғур елидики 2 нефитлик, дунядики әң чоң кәспий геологийә илмий җәмийити болған америка нефит геологийә илмий җәмийити тәрипидин " 2005‏- йиллиқ йәр шари бойичә әң чоң нефит газ қидирип тәкшүрүштики йеңи байқаш" болуп баһаланди.

Америка нефит геологийә илмий җәмийити 2006‏- йили 1‏- айда нәширдин чиқарған "қидирип тәкшүргүчи" җорнилида, "2005‏- йиллиқ йәр шари бойичә әң чоң нефит газини қидирип тәкшүрүштики йеңи байқаш" ни елан қилди. Җәмий 8 дөләт вә районниң 28 қидирип тәкшүрүш түри бу даиригә киргүзүлди. Буниң ичигә хитай нефит гуруһиға тәвә болған тарим нефитликиниң оттура тарим 82‏- номурлуқ қудуқи билән шинҗаң нефитликидики йәнсихәй 5‏- номурлуқ қудуқи киргүзүлгән.

Өткән йили 8‏- айда оттура тарим 82‏- номурлуқ қудуқиниң 2‏- өлчәш қатлимида йәнә бир қетимлиқ юқири мәһсулатлиқ нефит газ еқими байқалған иди. Шундақла бу зор байқаш қидирип тәкшүрүштики йеңи саһәни кеңәйткән. Әмди йәнсихәй 5‏- номурлуқ қудуқ болса җуңғар ойманлиқиға җайлашқан болуп, бу йеңи байқаш шинҗаң нефитликиниң тунҗи қетим җуңғар ойманлиқиниң җәнубий четидики йәнсихәй қурулма бәлбиғи арқилиқ тавар нефит гази еқимиға еришиши болуп һесаблиниду.

Хәвәрдә көрситилишичә, тәкшүрүш-тәтқиқат мөлчәридин қариғанда, йәнсихәй 5‏- номурлуқ қудуқтики нефит тәбиий газ байлиқи тәхминән 106 милйон куп метирға йетидикән.

Хитай һөкүмитиниң уйғур елидики нефитликләрни ечиш қәдимини тизлитиши нәтиҗисидә мәйданға кәлгән муһит мәсилилири вә йәрлик хәлқниң ишсизлиқ мәсилилири чәтәлләрдики уйғур паалийәтчилириниң наразилиқини қозғимақта. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.