Uyghur élidiki 2 néfitlik 2005‏- yilliq yer shari boyiche eng chong bayqash bolup bahalandi


2006.03.29
Share on WhatsApp
Share on WhatsApp

Yéqinda, Uyghur élidiki 2 néfitlik, dunyadiki eng chong kespiy gé'ologiye ilmiy jem'iyiti bolghan amérika néfit gé'ologiye ilmiy jem'iyiti teripidin " 2005‏- yilliq yer shari boyiche eng chong néfit gaz qidirip tekshürüshtiki yéngi bayqash" bolup bahalandi.

Amérika néfit gé'ologiye ilmiy jem'iyiti 2006‏- yili 1‏- ayda neshirdin chiqarghan "qidirip tekshürgüchi" jornilida, "2005‏- yilliq yer shari boyiche eng chong néfit gazini qidirip tekshürüshtiki yéngi bayqash" ni élan qildi. Jem'iy 8 dölet we rayonning 28 qidirip tekshürüsh türi bu da'irige kirgüzüldi. Buning ichige xitay néfit guruhigha tewe bolghan tarim néfitlikining ottura tarim 82‏- nomurluq quduqi bilen shinjang néfitlikidiki yensixey 5‏- nomurluq quduqi kirgüzülgen.

Ötken yili 8‏- ayda ottura tarim 82‏- nomurluq quduqining 2‏- ölchesh qatlimida yene bir qétimliq yuqiri mehsulatliq néfit gaz éqimi bayqalghan idi. Shundaqla bu zor bayqash qidirip tekshürüshtiki yéngi saheni kéngeytken. Emdi yensixey 5‏- nomurluq quduq bolsa jungghar oymanliqigha jaylashqan bolup, bu yéngi bayqash shinjang néfitlikining tunji qétim jungghar oymanliqining jenubiy chétidiki yensixey qurulma belbighi arqiliq tawar néfit gazi éqimigha érishishi bolup hésablinidu.

Xewerde körsitilishiche, tekshürüsh-tetqiqat mölcheridin qarighanda, yensixey 5‏- nomurluq quduqtiki néfit tebi'iy gaz bayliqi texminen 106 milyon kup métirgha yétidiken.

Xitay hökümitining Uyghur élidiki néfitliklerni échish qedimini tizlitishi netijiside meydan'gha kelgen muhit mesililiri we yerlik xelqning ishsizliq mesililiri chet'ellerdiki Uyghur pa'aliyetchilirining naraziliqini qozghimaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.