Алатав - атасу нефит туруба йолида пат йеқинда нефит еқитилишқа башлайду


2006-05-09
Share

Қазақистан билән уйғур аптоном райони арисида қурулған вә хитайни йилиға 10 милйон тонна нефит билән тәминләйдиған алатав - атасу нефит туруба йолида бу айниң ахирлиридин башлап рәсмий нефит еқитилишқа башлайду.

"Бейҗиң әтигәнлик почта гезити" ниң хәвәр қилишичә, хитай билән қазақистан мәзкур нефит туруба йолиниң қурулушиға 806 милйон доллар мәбләғ салған болуп, узунлуқи 1000 километирға йетидиған нефит турубиси оттура қазақистанниң қумқул нефитликидин башлиниду.

2005 - Йили 11 - айда таманланған нефит туруба қурулуши йилиға 20 милйон тонна нефит тошуш иқтидариға игә қилип лайиһиләнгән болсиму, лекин һазирчә хитайни йилиға 10 милйон тонна нефит билән тәминләйду. Мәзкур қурулушқа җуңго нефит ширкити қазақтранз нефит вә қазақмунай газ ширкити қатарлиқ гуруһлар бирлишип мәбләғ салған.

Лекин франсийә ахбарат агентлиқиниң хәвәр қилишичә, қазақмунай газ билән қазақтранз нефит ширкити " бейҗиң әтигәнлик почта гезити" ниң хәвиригә баһа беришни рәт қилған. Җуңго нефит ширкити 2005 - йили канада игидарчилиқидики нефит - қазақистан ширкитини сетивалди. Бу ширкәтниң нефитлики оттура қазақистанда иди.

Қазақистан даирилири атасу - алатав нефит турубисиниң 2011 - йилғичә каспий деңиз бойидики нефитликкичә 3000 километирға узартилидиғанлиқини вә нефит еқитиш сиғимини бир һәссә ашуридиғанлиқини билдүрмәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт