Alataw - atasu néfit turuba yolida pat yéqinda néfit éqitilishqa bashlaydu

Qazaqistan bilen Uyghur aptonom rayoni arisida qurulghan we xitayni yiligha 10 milyon tonna néfit bilen teminleydighan alataw - atasu néfit turuba yolida bu ayning axirliridin bashlap resmiy néfit éqitilishqa bashlaydu.

"Béyjing etigenlik pochta géziti" ning xewer qilishiche, xitay bilen qazaqistan mezkur néfit turuba yolining qurulushigha 806 milyon dollar meblegh salghan bolup, uzunluqi 1000 kilométirgha yétidighan néfit turubisi ottura qazaqistanning qumqul néfitlikidin bashlinidu.

2005 - Yili 11 - ayda tamanlan'ghan néfit turuba qurulushi yiligha 20 milyon tonna néfit toshush iqtidarigha ige qilip layihilen'gen bolsimu, lékin hazirche xitayni yiligha 10 milyon tonna néfit bilen teminleydu. Mezkur qurulushqa junggo néfit shirkiti qazaqtranz néfit we qazaqmunay gaz shirkiti qatarliq guruhlar birliship meblegh salghan.

Lékin fransiye axbarat agéntliqining xewer qilishiche, qazaqmunay gaz bilen qazaqtranz néfit shirkiti " béyjing etigenlik pochta géziti" ning xewirige baha bérishni ret qilghan. Junggo néfit shirkiti 2005 - yili kanada igidarchiliqidiki néfit - qazaqistan shirkitini sétiwaldi. Bu shirketning néfitliki ottura qazaqistanda idi.

Qazaqistan da'iriliri atasu - alataw néfit turubisining 2011 - yilghiche kaspiy déngiz boyidiki néfitlikkiche 3000 kilométirgha uzartilidighanliqini we néfit éqitish sighimini bir hesse ashuridighanliqini bildürmekte. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar