خىتاي خۇسۇسىلارنىڭ ئۇيغۇر ئاپتونوم رايونىدا نېفىت قىدىرىشىغا يول قويماقچى بولۇۋاتىدۇ


2006-10-09
Share

خىتاي مەمەلىكەت ئىچىدىكى خۇسۇسى شىركەتلەرگە كىچىك ۋە ئوتتۇرا كۆلەمدىكى ئويمانلىقلاردا نېفىت قىدىرىش مەشغۇلاتى ئېلىپ بېرىش ھوقۇقى بەرمەكچى بولۇۋاتىدۇ. كۆزەتكۈچىلەر، بۇ سىياسەت ئاساسلىقى خۇسۇسىلارنى ئۇيغۇر ئاپتونوم رايونىدا نېفىت، تەبئىي گاز قىدىرىش مەشغۇلاتى ئېلىپ بېرىشقا قىزىقتۇرۇشنى مەقسەد قىلغان، دەپ كۆرسەتمەكتە.

خىتاي نېفىت خەۋەرلەر تور بېتى، خىتاي يەر ‏- زېمىن ۋە تەبئىي بايلىقلار مىنىستىرلىقىنىڭ كەلگۈسى 5 يىلدىن 10 يىلغىچە خۇسۇسى شىركەتلەرگە كىچىك ۋە ئوتتۇرا كۆلەملىك ئويمانلىقلاردا نېفىت قىدىرىش ھوقۇقى بەرمەكچى بولۇۋاتقانلىقىنى خەۋەر قىلدى. خىتاي تەبئىي بايلىقلار مىنىستىرلىقى قارمىقىدىكى نېفىت ۋە تەبئىي گاز تەتقىقات مەركىزىنىڭ مۇئاۋىن باشلىقى چى چاڭبو، نېفىت قىدىرىش ھوقۇقىنى رىقابەتكە ئېچىۋېتىش كەلگۈسى 3 يىلدىن 5 يىلغىچە رەسمىي باشلىنىدىغانلىقىنى بىلدۈرگەن. لېكىن چى چاڭبونىڭ ئەسكەرتىشىچە، نېفىت ۋە تەبئىي گاز مەنبەلىرىنىڭ 85 % نى يەنىلا دۆلەت ئىگىلىكىدىكى چوڭ شىركەتلەر كونترول قىلىدىكەن.

خىتايدا نېفىت قىدىرىش ۋە قېزىش ھوقۇقىنى خىتاي نېفىت شىركىتى، خىتاي نېفىت - خىمىيە شىركىتى، خىتاي دېڭىز ئوكيان نېفىت شىركىتى قاتارلىق گۇرۇھلار كونترول قىلماقتا. خىتاي نېفىت شىركىتى بۇ يىل 7 - ئايدا تارىم ۋادىسىدا نېفىت قىدىرىش نۇقتىسى ئاچىدىغانلىقىنى ئېلان قىلغان. چەتئەللەردىكى ئۇيغۇر تەشكىلاتلىرى،خىتاي ھۆكۈمىتىنى ئۇيغۇرلارنىڭ تەبئىي بايلىقىنى خىتاي كۆچمەنلىرىگە بۆلۈپ بېرىۋاتىدۇ، دەپ ئەيىبلىمەكتە. (ئەركىن‏)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت