Xitay xususilarning Uyghur aptonom rayonida néfit qidirishigha yol qoymaqchi boluwatidu


2006-10-09
Share

Xitay memeliket ichidiki xususi shirketlerge kichik we ottura kölemdiki oymanliqlarda néfit qidirish meshghulati élip bérish hoquqi bermekchi boluwatidu. Közetküchiler, bu siyaset asasliqi xususilarni Uyghur aptonom rayonida néfit, teb'iy gaz qidirish meshghulati élip bérishqa qiziqturushni meqsed qilghan, dep körsetmekte.

Xitay néfit xewerler tor béti, xitay yer ‏- zémin we teb'iy bayliqlar ministirliqining kelgüsi 5 yildin 10 yilghiche xususi shirketlerge kichik we ottura kölemlik oymanliqlarda néfit qidirish hoquqi bermekchi boluwatqanliqini xewer qildi. Xitay teb'iy bayliqlar ministirliqi qarmiqidiki néfit we teb'iy gaz tetqiqat merkizining mu'awin bashliqi chi changbo, néfit qidirish hoquqini riqabetke échiwétish kelgüsi 3 yildin 5 yilghiche resmiy bashlinidighanliqini bildürgen. Lékin chi changboning eskertishiche, néfit we teb'iy gaz menbelirining 85 % ni yenila dölet igilikidiki chong shirketler kontrol qilidiken.

Xitayda néfit qidirish we qézish hoquqini xitay néfit shirkiti, xitay néfit - ximiye shirkiti, xitay déngiz okyan néfit shirkiti qatarliq guruhlar kontrol qilmaqta. Xitay néfit shirkiti bu yil 7 - ayda tarim wadisida néfit qidirish nuqtisi achidighanliqini élan qilghan. Chet'ellerdiki Uyghur teshkilatliri,xitay hökümitini Uyghurlarning teb'iy bayliqini xitay köchmenlirige bölüp bériwatidu, dep eyiblimekte. (Erkin‏)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet