Уйғур ели хитайни мол нефит записи билән тәминлимәктә


2007-02-18
Share

Хитай уйғур елини әң чоң нефит базиси қилип қуруш қәдимини тезләтмәктә. Хитай хәвәр ахбарат вастилриниң йеқинда ашкарилишичә, қаримай нефитликиниң өткән йиллиқ нефит записи 11 милйон 910 миң тоннидин ешип кәткән. Май тағ нефитликиниң нефит записи болса 10 милйон тонниға йәткән.

Нефит ишлириға мәсул хитай әмәлдар, бу 10 йил мабәйнидики әң хошаллинарлиқ нәтиҗә дәп көрсәткән. Хәвәрдә йәнә, уйғур елиниң тарим нефитлики, " ғәрипниң нефитини шәриққә йөткәш " базиси болуп, хитайниң 10 дин артуқ шәһирини газ билән тәминләш вәзиписини өтәватқанлиқи тәкитләнгән.

Буниңдин сирт, хитай һөкүмити йәнә корла шәһири вә кучар наһийисини, нефит санаәт райони қилип қурушни пиланлимақта.

Уйғур ели, хитайниң әң чоң нефит базиси сүпитидә хийтайни нефит билән тәминләп кәлсиму, әмма уйғур ели иқтисадий җәһәттә хитайниң башқа өлкилиргә селиштурғанда толиму намрат һесаплинидикән. Истансимизниң һәқсиз телфун линийисигә кәлгән инкаслардин мәлум болишичә, гәрчә уйғур ели хитайни мол нефит записи билән тәминләватқан болсиму, әмма бу зиминда яшаватқан уйғур деһқанлири һазирға қәдәр намратлиқтин қутулалмиған болуп, һәтта бир қисим деһқанларниң қорсақ тойғузушқа мадари йәтмәйдикән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт