Uyghur élining mol néfit bayliqi kimge payda yetküzmekte?

Ürümchi néfit - ximiye sana'iti shirkitining 2006 ‏- yilliq xam néfit ishlepchiqirish miqdari 5 milyon tonnigha, pütün bir yilliq néfit sétish kirimi 20 milyard 500 milyon yüen'ge yetken.

Xitay axbarat wastilirining yéqinda bergen xewiridin melum bolushiche, Uyghur élini idare qiliwatqan bash emeldar wang léchü'en, ürümchi ximiye - néfit sana'iti shirkitining netijilirige baha bérip, Uyghur élining bayliq ewzellikini iqtisadiy üstünlükke aylandurush istratégiyisini qet'iy boshashmay yolgha qoyushni otturigha qoyushtin sirt, Uyghur aptonom rayonining mol bolghan kömür qatarliq bayliq menbelirige tayinip, tereqqiyat küchini ashurushni tekitligen.

Xitay hökümiti, Uyghur diyarining mol néfit zapisidin paydilinip" gherbning néfit ‏- gazini sheriqqe yötkesh" qurulushi qatarliq pilanini ishqa ashurup, xitayning köpligen sheherlirini néfit we gaz bilen teminlimekte.

Mutexessisler, Uyghur élining her xil yer asti bayliqlirigha, jümlidin mol néfit zapisigha ige ikenlikini bildürüp, mezkur rayonning bu bayliqlar bilen tereqqi qilghan we aldinqi orunda turidighan bay rayonlar qataridin orun alalaydighanliqini bildürgen. Emma, nöwette Uyghur éli xitaydiki namrat rayonlardin biri bolup, dunya Uyghur qurultiyi bayanatchisi dilshat réshitning metbu'atlargha ashkarilishiche, xitay hökümiti, Uyghur zéminidin chiqqan bayliqning 1 % nimu, yerlik Uyghurlar üchün serp qilmaydiken. (Eqide)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar