Xitay Uyghur élide néfit qidirip tekshürüshke köplep meblegh salmaqchi


2007.03.09

Forbis zhornili torining 9 - mart bergen melumatigha asaslan'ghanda, xitay néfit tebi'iy gaz hessidarliq shirkiti xitaydiki eng chong néfit shirkiti bolup Uyghur élide néfit qidirip tekshürüsh, burghilash we pishshiqlap ishlesh üchün 30 milyard yü'en xitay puli meblegh salidiken.

Xitay néfit tebiy gaz hessidarliq shirkitining mu'awin diréktori jiya chéngzawning bildürüshiche, Uyghur élidiki néfit qidirip tekshürüsh we burghilashqa 17 milyard yü'en ajirtilidiken. Lékin u bashqa tepsili melumat bermigen.

Xitay hökmet axbarat wasitilirining xewer qilishche, 2006-yili Uyghur élide bayqalghan tebi'iy gaz zapisi 1.29 Tirilyon kub métir iken.

Uyghur élide jem'i 10 triliyon kub métir teb'iy gaz zapisi barliqi texmin étilmekte. Tarim néfitliki xitay néfit tebi'iy gaz hessidarliq shirkitining bashqurushida bolup, ötken yil 11 milyart kub métir teb'iy gaz ishlepchiqirip, aldinqi yildikidin bir hesse ashurghan. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.