Хитай нефит ширкити йәнә пайда алди


2007-03-19
Share

Бирләшмә агентлиқиниң хоңкоңдин 19 ‏-март бәргән хәвиригә қариғанда, хитайдики дөләт игидарчилиқидики әң чоң нефит ширкити хитай нефит тәбиий газ һәссидарлиқ ширкитиниң 2006-йилидики сап пайда нисбити 6. 6 Прсәнт өрлигән болуп, бу йил йәнә техиму көп пайда елишни мөлчәрләвитипту. Бу ширкәтниң өткән йиллиқ сап пайдиси 142. 22 Милярд йүән болуп, 2005 йилидики 133. 36 Милярд йүәндин 6. 6 Прсәнт өрлигән.

Ширкәттики мунасивәтлик хадимларниң ейтишичә, хитайниң иқтисади тәрәққият сүрити нисбәтән тиз икән, бу хил һаләт нефит вә тәбий газға болған еһтияҗни ашуридикән. Хитай вә чәтәлләрдики нефиткә болған еһтияҗниң өсүшигә әгишип бу ширкәтниң пайда нисбити йәнә юқири көтирилидикән.

Хитай һөкүмәт ахбарат васитилириниң хәвәр қилишичә, 2006-йили уйғур елидә байқалған тәбиий газ записи 1. 29 Тирилйон кубметир икән. Уйғур елидә җәми 10 трилйон куб метир тәбий газ записи барлиқи тәхмин етилмәктә.

Уйғур елидики тарим нефитлики вә башқа бирнәччә чоң тәбий газ вә нефитликләр хитай нефит тәбиий газ һәссидарлиқ ширкитиниң башқурушида болуп бу йил 11 милярд кубметир тәбий газ ишләпчиқирип алдинқи йилдикидин бир һәссә ашурған.

Хәлқарадики уйғур көзәткүчиләрниң қаришичә, гәрчә хитай нефит ширкәтлири алған нәччә йүз милярдлиқ пайдида уйғур елидин тошуп кетилгән нефит вә тәбий газлар зор салмақни игилигән болсиму, бу пайдилар уйғур ели вә уйғур хәлқигә азрақму мәнпәәт елип кәлмигән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт