Xitay néfit shirkiti yene payda aldi


2007.03.19

Birleshme agéntliqining xongkongdin 19 ‏-mart bergen xewirige qarighanda, xitaydiki dölet igidarchiliqidiki eng chong néfit shirkiti xitay néfit tebi'iy gaz hessidarliq shirkitining 2006-yilidiki sap payda nisbiti 6. 6 Prsent örligen bolup, bu yil yene téximu köp payda élishni mölcherlewitiptu. Bu shirketning ötken yilliq sap paydisi 142. 22 Milyard yü'en bolup, 2005 yilidiki 133. 36 Milyard yü'endin 6. 6 Prsent örligen.

Shirkettiki munasiwetlik xadimlarning éytishiche, xitayning iqtisadi tereqqiyat sür'iti nisbeten tiz iken, bu xil halet néfit we tebiy gazgha bolghan éhtiyajni ashuridiken. Xitay we chet'ellerdiki néfitke bolghan éhtiyajning ösüshige egiship bu shirketning payda nisbiti yene yuqiri kötirilidiken.

Xitay hökümet axbarat wasitilirining xewer qilishiche, 2006-yili Uyghur élide bayqalghan tebi'iy gaz zapisi 1. 29 Tirilyon kubmétir iken. Uyghur élide jem'i 10 trilyon kub métir teb'iy gaz zapisi barliqi texmin étilmekte.

Uyghur élidiki tarim néfitliki we bashqa birnechche chong tebiy gaz we néfitlikler xitay néfit tebi'iy gaz hessidarliq shirkitining bashqurushida bolup bu yil 11 milyard kubmétir teb'iy gaz ishlepchiqirip aldinqi yildikidin bir hesse ashurghan.

Xelq'aradiki Uyghur közetküchilerning qarishiche, gerche xitay néfit shirketliri alghan nechche yüz milyardliq paydida Uyghur élidin toshup kétilgen néfit we tebiy gazlar zor salmaqni igiligen bolsimu, bu paydilar Uyghur éli we Uyghur xelqige azraqmu menpe'et élip kelmigen. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.