Уйғур елиниң күндилик хам нефит мәһсулат миқдари 70миң тоннидин юқири болған


2007-03-22
Share

Тәңритағ ториниң 22 - марттики хәвиригә қариғанда, шинҗаң нефит башқуруш идарисиниң башлиқи таң җйәнниң ашкарилишичә, уйғур елиниң күндилик хам нефит мәһсулат миқдари 70миң тоннидин юқири болған. Шуниң билән биргә уйғур ели хитайдики хейлоңҗяң вә шәндуңдин қалсила, күнигә 70 миң тонна нефит ишләпчиқиралайдиған 3- өлкә болуп қалған.

Буларниң ичидә, шималий җуңғар нефитлики вә қарамай нефитликилириму күнигә 32 миң тонна, җәнубий тарим нефитлики 16миң 800 тонна, турпан- қумул нефитлики 5миң 700 тонна вә хитай нефит-химийә санаити гуруһи ғәрбий шимал шөбә ширкити қармиқидики нефитлик 13миң тонна болуп, уйғур елидики башқа нефитликләрни қошқанда җәмий 70 миң тонна болған. Таң җйәнниң билдүрүшичә, һазир уйғур елиниң күндилик хам нефит мәһсулат миқдари 1953 ‏- йилниң бир йиллиқ мәһсулат миқдаридин ешип кәткән.

Чәтәлдики уйғур көзәткучиләрнң билдурушичә, хитай уйғур елидин 2005 - йили тошуп кәткән хам нефитниң омумий миқдарини 24 милйон тонна дәп илан қилған. Әгәр бу йиллиқ сүрәтни күнигә 70 миң тонниға йәткүзгән болса, бу йиллиқ хам нефит ишләпчиқириш миқдари тәхминән 25 милйон тонна әтрапида болидикән.

Хитайлар бәргән мәлуматларға қариғанда, хитай һөкүмити уйғур елидики һәр йиллиқ хам нефит ишләпчиқириш мәһсулат миқдарини 1990 -йилидин бери йилға 1 милйон тоннидин ашуруп келиватқан икән. Хитай нефит тармақлири тәминлигән учурлар ға қариғанда, уйғур елидә һазирғичә байқалған нефит записи 30 милярд тонна болуп, хитай омумий нефит записиниң 4 дин бир қисмини игиләйдикән.

Дәл бу хәвәр илан қилинған минутларда, хитай нефит-химийә санаити гуруһи ғәрбий шимал шөбә ширкити ғәрби тарим тармақ ширкитиниң партком секритари вә интизам тәкшүрүш комитетиниң секритари җаң лимиң пара елиш җинайити билән қолға елинди.

Мәлум болушичә, у қобул қилған пара 140 миң йүәндин артуқ болуп, униңға 10 йиллиқ қамақ җазасиға һокүм қилинған.

Дуняниң һәрқайси җайлиридики уйғур зиялийлириниң қаришичә, хитайда күнсайин өрләватқан парихорлуқ қилмишлири интайин коп болуп, җаң лимиңдәк парахор хитайлар уйғур елидә техиму көп икән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт