Jungghar oymanliqi- ürümchi tebi'iy gaz turuba qurulushi bashlanmaqchi


2007.04.02

Xitay hökümet axbarat wastisi shinxu'a axbarat agéntliqining 2 ‏- april ürümchidin bergen xewridin melum bolushiche, xitay hökümiti jungghar oymanliqida aylanma shekilidiki yer'asti tebi'iy gaz turubisi tori qurulushi ilip barmaqchi.

Jungghar oymanliqi- ürümchi tebi'iy gaz turuba qurulushi tetqiqat doklati yéqinda testiqlan'ghan. Xitayning Uyghur élidiki néfit shirkitining tonushturushiche, bu turuba liniysi jungghar oymanliqining sherqidiki bir rayondin bashlinip ürümchide ayaqlishidiken. Bu liniyining umumiy uzunliqi 141 kilométir bolup yilliq gaz yetküzush miqdari 3 milyard kup métir iken. Pütün qurulushqa 326 milyon yü'en meblegh sélinidiken.

Qurulush tamamlan'ghandin kiyin, jungghar oymanliqi, ürümchi, qaramay qatarliq rayonlarni tutashturup jungghar oymanliqi aylanma turuba liniyisi torini shekillendüridiken.

Jungghar oymanliqining omumiy yerkölimi 130 ming kuwadirat kilométir bolup, 8 milyard 600 milyon tonna néfit we 2. 1 Tirilyon tebi'iy gaz zapisi bar. Hazirgha qeder ayrim -ayrim halda bu bayliq zapaslirining 21. 5 Pirsent we 3. 66 Pirsent qismi qidirip tekshürülgen.

Jungghar oymanliqi tebi'iy gaz lirini échishqa mes'ul qaramay néfitlikining 2006 ‏- yilliq xam néfit ishlepchiqirish miqdari 11 milyon 900 tonna, tebi'iy gaz ishlepchqirish miqdari 2 milyard 900 milyon tonna bolghan idi. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.