Уйғур аптоном райони хитайниң әң чоң нефит базиси қилинмақчи

• 
  2006-03-09

Шинҗаң уйғур аптоном район рәиси исмайил тиливалди, уйғур аптоном районини, хитай бойичә әң чоң нефит санаәт базиси шуниңдәк қуруқлуқтики енергийә бихәтәрлик йоли қилип қуруп, хитай енергийә бихәтәрлик хизмити үчүн төһпә қошидиғанлиқини билдүрди.

Мәркизи агентлиқниң пәйшәнбә күни бу һәқтә бәргән хәвиридин ашкарилинишичә, 2010 ‏-йилиға кәлгәндә уйғур аптоном райониниң йиллиқ нефит, тәбии газ ишләпчиқириш миқдари 60 милйон тонниға, 2020 ‏- йили 100 милйон тонниға йетидикән.

Исмайил тиливалди сөзидә йәнә, нефит записи енергийисидин башқа, бу земинниң көмүр записиниң хитай көмүриниң 40 % ини игиләйдиғанлиқини билдүрүп, бу әвзәлликниң хитай билән оттура асия дөләтлириниң иқтисадий һәмкарлиқ орнитиши үчүн күчлүк асас яритидиғанлиқини билдүргән.

Уйғур дияриниң байлиқи, хитайниң башқа дөләтләр билән болған сода һәмкарлиқини илгири сүрүштә һәмдә хитай иқтисадиниң юқири көтүрүлишидә алаһидә рол ойнап кәлгән болсиму, әмма йәрлик уйғурларниң турмушида йәнила һечқандақ өзгириш һасил қилимиған. Истансимизниң һәқсиз телефун ленийисигә кәлгән инкаслардин мәлум болушичә, уйғур дияриниң бәзи чәт йеза, кәнт аһалилириниң өйлиригә һәтта ток бекитилмигән икән. (Әқидә)