Uyghur aptonom rayoni xitayning eng chong néfit bazisi qilinmaqchi


2006.03.09
Share on WhatsApp
Share on WhatsApp

Shinjang Uyghur aptonom rayon re'isi ismayil tiliwaldi, Uyghur aptonom rayonini, xitay boyiche eng chong néfit sana'et bazisi shuningdek quruqluqtiki énérgiye bixeterlik yoli qilip qurup, xitay énérgiye bixeterlik xizmiti üchün töhpe qoshidighanliqini bildürdi.

Merkizi agéntliqning peyshenbe küni bu heqte bergen xewiridin ashkarilinishiche, 2010 ‏-yiligha kelgende Uyghur aptonom rayonining yilliq néfit, tebi'i gaz ishlepchiqirish miqdari 60 milyon tonnigha, 2020 ‏- yili 100 milyon tonnigha yétidiken.

Ismayil tiliwaldi sözide yene, néfit zapisi énérgiyisidin bashqa, bu zéminning kömür zapisining xitay kömürining 40 % ini igileydighanliqini bildürüp, bu ewzellikning xitay bilen ottura asiya döletlirining iqtisadiy hemkarliq ornitishi üchün küchlük asas yaritidighanliqini bildürgen.

Uyghur diyarining bayliqi, xitayning bashqa döletler bilen bolghan soda hemkarliqini ilgiri sürüshte hemde xitay iqtisadining yuqiri kötürülishide alahide rol oynap kelgen bolsimu, emma yerlik Uyghurlarning turmushida yenila héchqandaq özgirish hasil qilimighan. Istansimizning heqsiz téléfun léniyisige kelgen inkaslardin melum bolushiche, Uyghur diyarining bezi chet yéza, kent ahalilirining öylirige hetta tok békitilmigen iken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.