Хитайниң әң узун тәбий газ турубиси тиҗарәт башлимақчи


2004.12.27
Share on WhatsApp
Share on WhatsApp

Уйғур илидики тәбиий газни, нефит вә газға муһтаҗ болған, хитайниң шаңхәй қатарлиқ чоң шәһәрлиригә йөткәйдиған тәбиий газ туруба йоли пәйшәнбә күни тиҗаритини башлимақчи.

Шаңхәй -тарим вәяки ғәрб-шәрқ тәбиий газ туруба йоли дәп аталған бу туруба йоли хитайниң әң узун туруба йоли болуп, униң ясилиши үчүн 5 милярд 200 милйон амрика доллири пул кәткән. Қурулушини 2002 - йили июл ейида башланған туруба йоли өктәбир ейида тунҗи қетим шәнши өлкисидин шаңхәйгә тәбиий газ йөткәшкә башлиған. Хитай дөләт тәрәққият вә ислаһат комитетиниң билдүрүшичә, пәйшәнбә күни уйғур илидики тәбиий газ чиқириш мәркәзлиридин шаңхәйгә тәбиий газ йөткилишкә башлайду.

Шинхуа агентлиқиниң хәвәр қилишичә, шаңхәй- тарим туруба йоли йилда 17 милярд күп метир тәбиий газ йөткәш иқтидариға игә болуп, пүтүнләй ишләшкә башлиған чағда, уйғур елигә йилда 120 милйон америка доллири қиммитидә кирим елип келидикән.

Хитай һөкүмити, тарим-шаңхәй туруба йоли уйғур елиниң иқтисадий тәрәққиятиға чоң һәссә қошидиғанлиқини илгири сүрмәктә. Лекин, нурғунлиған уйғурлар у туба йолиниң уйғур елигә елип келидиған иқтисади мәнпәәтлиридин йәнила хитайлар пайдилинидиғанлиқини шундақла, мәзкур туруба йоли уйғур елиниң тәбиий байлиқини хитайниң ичкири өлкилиригә йөткәпла қалмастин, уйғур елиниң тәбиий муһитиға му нурғун зиян кәлтүридиғанлиқини баян қилмақта.(Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.