Xitayning eng uzun teb'iy gaz turubisi tijaret bashlimaqchi


2004.12.27
Share on WhatsApp
Share on WhatsApp

Uyghur ilidiki tebi'iy gazni, néfit we gazgha muhtaj bolghan, xitayning shangxey qatarliq chong sheherlirige yötkeydighan tebi'iy gaz turuba yoli peyshenbe küni tijaritini bashlimaqchi.

Shangxey -tarim weyaki gherb-sherq tebi'iy gaz turuba yoli dep atalghan bu turuba yoli xitayning eng uzun turuba yoli bolup, uning yasilishi üchün 5 milyard 200 milyon amrika dolliri pul ketken. Qurulushini 2002 - yili iyul éyida bashlan'ghan turuba yoli öktebir éyida tunji qétim shenshi ölkisidin shangxeyge tebi'iy gaz yötkeshke bashlighan. Xitay dölet tereqqiyat we islahat komitétining bildürüshiche, peyshenbe küni Uyghur ilidiki tebi'iy gaz chiqirish merkezliridin shangxeyge tebi'iy gaz yötkilishke bashlaydu.

Shinxu'a agéntliqining xewer qilishiche, shangxey- tarim turuba yoli yilda 17 milyard küp métir tebi'iy gaz yötkesh iqtidarigha ige bolup, pütünley ishleshke bashlighan chaghda, Uyghur élige yilda 120 milyon amérika dolliri qimmitide kirim élip kélidiken.

Xitay hökümiti, tarim-shangxey turuba yoli Uyghur élining iqtisadiy tereqqiyatigha chong hesse qoshidighanliqini ilgiri sürmekte. Lékin, nurghunlighan Uyghurlar u tuba yolining Uyghur élige élip kélidighan iqtisadi menpe'etliridin yenila xitaylar paydilinidighanliqini shundaqla, mezkur turuba yoli Uyghur élining tebi'iy bayliqini xitayning ichkiri ölkilirige yötkepla qalmastin, Uyghur élining tebi'iy muhitigha mu nurghun ziyan keltüridighanliqini bayan qilmaqta.(Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.