Uyghur élide bayqalghan néfit we tebi'y gaz zapisi yene köpeydi


2007-06-04
Share

31- May junggo néfit ximiye sana'iti guruhi gherbiy shimal shöbe shirkitining bildürüshiche, ularning bashqurushidiki tarim derya néfitliki yuqiri hosulluq quduqliri we zapas quduqliri hosul bérishke bashlighan.

Melum bolushiche, hazir tarim néfitlik tewesidiki 600 kwadrat kilométirliq da'ire ichide 200 milyon tonna néfit zapisigha érishish mölcherlenmekte iken.

Tengritagh torida 31- may junggo néfit ximiye sana'iti guruhi gherbiy shimal shöbe shirkiti mes'ulining éytqanlirini neqil keltürüshiche, 11- april tarim derya néfitliki 12 rayonda yuqiri hosulluq quduq bayqighan. AD4 Quduqining shu künlük sinaqta élin'ghan néfit miqdari 1018 tonnigha yétip tarim derya néfitlikidiki mehsulat miqdari eng yuqiri quduqqa aylinip qalghan hemde shuninggha yandash halda, AD5, AD7 quduqliri we bashqa zapas quduqliri keyni-keynidin hosul bérishke bashlighan.

Uningdin bashqa, aldinqi ayda qarimay néfit rayoni manas derya wadisida 30 milyard kub métirliq tebi'iy gaz zapisi bayqighan bolup, bu qarimay néfit rayoni tewesidiki eng chong gazliq bolup qalghan idi.

Hazir bu gazliqtin gaz élish bashlan'ghan bolup, tengritagh torining ashkarilishiche, manas derya wadisida 100 quduqtin künige texminen 1 milyon 470 ming kub métir tebi'y gaz alghili bolidiken.(Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet